Акылбек Жапаров “Кыргыз темир жолунун” эксперименталдык вагонунда бейрасмий жыйын өткөрдү

Темир жол паркынын эски жүргүнчү вагондорун пайдаланууну уланта берүү керекпи, же аны жаңыртуу керекпи? Кыргызстандын транспорт тутумундагы бул жана башка маселелер министрлер кабинетинин төрагасы Акылбек Жапаровдун, президенттин администрациясынын жана министрликтердин өкүлдөрүнүн катышуусундагы бейрасмий көчмө жыйындын күн тартибинде белгиленген.

Жекшемби күнү, 26-июнда «Бишкек 2 — Рыбачье» темир жол каттамына модернизацияланган вагонду ишке киргизүү процессинде Акылбек Жапаров жаңыланган вагондо акыркы аялдамага чейин барып, оңдоо иштеринин сапатын көзөмөлдөдү.

Маалым болгондой, «Кыргыз темир жолу» Улуттук компаниясы» мамлекеттик ишканасы өз күчү менен вагонду модернизациялап, заманбап муздатуу системасы, панорамалык терезелер менен жабдып, аны орнотуу үчүн шыптарды, полдун аянтын бекемдөө, эшиктерин, санитардык түйүндөрдү орнотуу боюнча кошумча иштер жүргүзүлдү.

«Кыргыз темир жолу» УК» мамлекеттик ишканасынын күчү менен адамдык жана финансылык ресурстарды тартуу түрүндө инженердик иштеп чыгуулар, чийүү жана оңдоо иштери жүргүзүлдү.

«Бишкек – Рыбачье» жолу боюнча «поездде саякаттоо» шартында өткөн кеңешменин жүрүшүндө анын катышуучулары бир катар маселелерди, алардын катарында артыкчылыктуу саналган Кыргызстандын жол-транспорт системасын жакшыртуунун келечеги маселесин талкуулады.

«Өлкөнүн темир жол жана транспорттук темир жол парктарын модернизациялоонун кандай варианттары бар? Ишкананын өзүндө жетиштүү күчтөр жана ресурстар барбы? Болбосо, колдоону кайдан күтө алабыз?». Бул маселелер “Кыргыз темир жолу” ишканасында көтөрүлгөн көйгөйлөрдүн толук тизмеси эмес.

«Кыргыз темир жолу» УК» мамлекеттик ишканасынын башкы инженери Роман Спасский билдиргендей, темир жол паркы көп жылдар бою жаңыртылган эмес. Сериялык сатып алууларды ишке ашыруу кымбатка турат. Паркты масштабдуу жаңыртуу боюнча тутумдуу иштер совет мезгилинен бери жүргүзүлгөн эмес. Бүгүнкү күндө «Бишкек – Рыбачье» багыты боюнча жүргөн бул вагондордо көпчүлүк, атүгүл ушул салондо отургандар дагы 80-жылдары мектепке барышчу. Алардын ыңгайсыз экенин, заманбап талаптарга жооп бербей тургандыгын баары түшүнөт. Мен полдун абалы жана кондиционерлердин жоктугун айтпай эле коеюн. Бул чоң көйгөй, аны биз өз алдыбызча чече баштадык жана эки айдын ичинде заманбап талаптарга жооп берген вагонду жеке күчүбүз аркылуу жасап чыктык», — деди Роман Спасский.

Пост Бөлүшү

Share on facebook
Share on twitter
Share on telegram
Share on whatsapp
Share on odnoklassniki

Реклама

Окшош посттор

Биздин каналга катталыныз